ആലപ്പുഴ: വരും ദിവസങ്ങളില്‍ ആലപ്പുഴ നഗരസഭയിലെ ടി പി ആർ റേറ്റ് കുറയ്ക്കുന്നതിനായി നടപടികൾ സ്വീകരിക്കുമെന്ന് ജില്ലാ കളക്ടർ എ അലക്സാണ്ടർ. ജില്ലയിലെ വ്യാപാരിവ്യവസായി സംഘടനകളും ഹോട്ടല്‍ ഉടമാ പ്രതിനിധികളുമായി നടത്തിയ യോഗത്തിലാണ് കളക്ടർ ഉറപ്പു നൽകിയത്. ടെസ്റ്റ്‌ ചെയ്യുവാൻ ആളുകൾ കൂടുതലായി മുന്നോട്ടു വരണം. ടെസ്റ്റ്‌ ചെയ്യുന്നവരുടെ എണ്ണം വർധിപ്പിക്കുന്നതിലൂടെ രോഗികളെ കണ്ടെത്താനും ടി പി ആർ റേറ്റ് കുറയ്ക്കാനും സാധിക്കും. ടി പിആർ റേറ്റ് താഴേയ്ക്ക് കൊണ്ടുവരേണ്ടത് എല്ലാവരുടെയും ഉത്തരവാദിത്വമാണെന്നും കളക്ടർ കൂട്ടിച്ചേർത്തു. യോഗത്തിൽ ജില്ലാ പോലീസ് മേധാവി ജി ജയദേവ്, വ്യാപാരി വ്യവസായി സംഘടന പ്രതിനിധികൾ, വകുപ്പ് ഉദ്യോഗസ്ഥർ എന്നിവര്‍ പങ്കെടുത്തു.
ഒരു അഭിപ്രായം പോസ്റ്റ് ചെയ്യൂ